ఉత్కంఠభరితంగా సాగిన మ్యాచ్‌ టైగా ముగిసింది..!!

India vs West Indies 2018

వన్డేల్లో 50 ఓవర్లలో 300 పరుగులు చేస్తే భారీ స్కోరు కిందే లెక్క. 300 పైచిలుకు విజయలక్ష్యాన్ని చాలా జట్లు అనేక సందర్భాల్లో చేధించినప్పటికీ.. తొలుత బ్యాటింగ్‌ చేసిన జట్లు ఆ స్కోరు సాధిస్తే సగం విజయం సాధించేశామన్న ధీమాతో ఉంటాయి. భారత్‌ కూడా చాలాసార్లు 300కు పైగా స్కోరు సాధించి కొన్నిసార్లు గెలిచింది.. మరికొన్నిసార్లు ఓడింది.
అయితే టీమిండియాకు ఓ అంకె మాత్రం ఎప్పుడూ నిరాశనే మిగుల్చుతోంది. అదే 321. అవును.. వన్డేల్లో భారత్‌ ఈ స్కోరును గతంలో రెండు సార్లు చేసి పరాజయం పాలైంది. ఇక బుధవారం విశాఖ వేదికగా జరిగిన మ్యాచ్‌లోనూ భారత్ 50 ఓవర్లలో 6 వికెట్ల నష్టానికి 321 పరుగులే చేసింది. చివరి బంతి వరకు ఉత్కంఠభరితంగా సాగిన ఈ మ్యాచ్‌ టైగా ముగిసింది. భారీస్కోరు సాధించినా విజయం సాధించకపోవడం భారత అభిమానుల్లో నిరాశ నింపింది. దీంతో టీమిండియాకు 321 స్కోరు అచ్చిరాదని అభిమానులు అనుకుంటున్నారు.