దీపావళి కానుకగా ఫాన్స్ కు చెర్రీ ఫస్ట్ లుక్

rc12 first look

మెగా ప‌వ‌ర్‌స్టార్ రామ్‌చ‌ర‌ణ్ హీరోగా డి.వి.వి.ఎంట‌ర్‌టైన్‌మెంట్ బ్యాన‌ర్‌పై మాస్ డైరెక్ట‌ర్ బోయ‌పాటి శ్రీను ద‌ర్శ‌క‌త్వంలో ప్రొడ్యూస‌ర్ దాన‌య్య డి.వి.వి నిర్మాణంలో సినిమా రూపొందుతోన్న సంగ‌తి తెలిసిందే. రంగస్థలం వంటి బ్లాక్‌బస్టర్ చిత్రం తర్వాత వస్తున్న ఈ చిత్రంపై చెర్రీ అభిమానులు భారీ అంచనాలతో ఉన్నారు. అయితే ఈ సినిమా ఫస్ట్‌లుక్ పోస్టర్‌ని నవంబర్ 6వ తేదీన విడుదల చేస్తున్నట్లు ప్రకటించిన చిత్ర బృందం తాజాగా మరో అప్‌డేట్‌ని ఫ్యాన్స్‌కు అందించింది. దీపావళి కానుకగా ఈ సినిమా టీజర్‌ను నవంబర్ 9న ఉదయం 10.25 నిమిషాలకు విడుదల చేస్తున్నట్లు యూనిట్ ప్రకటించింది. ఈ సినిమాలో రామ్ చరణ్ సరసన కియరా అడ్వాణీ హీరోయిన్‌గా నటిస్తుండగా, స్నేహ, జీన్స్‌ ఫేమ్‌ ప్రశాంత్‌, ఆర్యన్‌ రాజేష్‌ ప్రధాన పాత్రల్లో నటిస్తున్నారు. ఈ చిత్రాన్ని దేవీ శ్రీ ప్రసాద్ సంగీతం అందిస్తున్నారు.