2022లో రోడ్డు ప్రమాదంలో తీవ్రంగా గాయపడ్డ టీం ఇండియా వికెట్ కీపర్ రిషబ్ పంత్ వేగంగా కోలుకుంటున్నాడు. జాతీయ క్రికెట్ అకాడమీలో ఫిట్ నెస్ సాధించడానికి తీవ్రంగా కసరత్తులు చేస్తున్నాడు. తాజాగా రిషబ్ కు సంబందించిన కీలక అప్ డేట్ ను ఎన్ సీసీ వర్గాలు వెల్లడించాయి. తాజా ఐపీఎల్ సీజన్ లో రిషబ్ ఆడనున్నట్లు వెల్లడించింది. దీనిపై ఢిల్లీ క్యాపిటల్ కోచ్ రిక్కీ పాంటింగ్ మాట్లాడుతూ.. పంత్ పునరాగమనంపై పూర్తి నమ్మకంతో ఉన్నామన్నారు. అయితే అతడు కీపింగ్ చేస్తాడా..లేదా అన్నది మాత్రం ఇప్పుడే చెప్పలేమన్నారు. ఈ సారీ ఢిల్లీకి సారధ్యం వహించేది పంతే అని సృష్టం చేశాడు. రిషబ్ రీ ఎంట్రీపై అతడి అభిమానులే కాదు ఢిల్లీ క్యాపిటల్స్ అభిమానులు కూడా ఆసక్తిగా ఎదురుచూస్తున్నారు.